Mysansar Entertainment

एसएलसी सुन्दरी पनि रे

E! MySansar — Sun, 21 Apr 2013 19:10:20 +0000

‘सुन्दरी खेती’ गर्नेहरुले नेपालमा कुनै पनि क्षेत्र बाँकी राखेका छैनन्। यसै क्रममा एसएलसी दिएर बसेकाहरुको सौन्दर्य प्रतियोगिता एसएलसी प्रिन्सेजको आयोजना हुँदैछ। त्यसका लागि अडिसन भर्खरै भएको छ। यसमा सहभागी हुनेहरुलाई इन्ट्री फी र ट्रेनिङ भन्दै लिइने रकम, प्रायोजन र कार्यक्रम आयोजना गर्दा बेचिने टिकट नै ‘सुन्दरी खेती’ गर्नेहरुको कमाइ हो। हेरौँ एसएलसी प्रिन्सेज अडिसनका केही फोटो।

हिट हुँदै नयाँ ‘गंगनम स्टाइल’

E! MySansar — Sun, 14 Apr 2013 17:24:38 +0000

विश्व हल्लाएको कोरियन पप गायक साइको गीत गंगनम स्टाइलको सिक्वेलका रुपमा आएको नयाँ गीत जेन्टलम्यान पनि बिस्तारै लोकप्रिय हुँदै गएको छ। २४ घण्टामै यो गीतको आधिकारिक म्युजिक भिडियो हेर्नेको संख्या २ करोड नाघिसकेको छ। आइतबार राति यी शब्द लेखिँदासम्म युट्युबमा यसको भिडियो हेर्नेको संख्या २ करोड ७६ लाख पुगिसकेको छ। यसअघि भिडियो बिनाको म्युजिकमात्रै पनि सुन्नेको संख्या निकै बढिसकेको थियो।

साइले नयाँ म्युजिक भिडियोलाई पनि रमाइलो बनाएका छन्। नयाँ डान्स मूभहरु पनि यसमा राखिएको छ। तर यसले गंगनम स्टाइल जस्तै भाइरल रुप लिने हो कि हैन, त्यो हेर्न केही समय कुर्नै पर्ने हुन्छ।

हेरौँ जेन्टलम्यानको आधिकारिक म्युजिक भिडियो-

‘गंगनम स्टाइल’को नयाँ गीत

E! MySansar — Fri, 12 Apr 2013 03:35:12 +0000

दक्षिण कोरियाका पप गायक साइले गंगनम स्टाइल गाएर विश्व कीर्तिमान कायम गरे। विश्वभर उनको गीत लोकप्रिय भयो। उनै गायकले शुक्रबार मध्यरात नयाँ गीत रिलिज गरेका छन्। नयाँ गीतको शीर्षक ‘जेन्टलम्यान’ रहेको छ। यसलाई उनले साइ स्टाइल भनेका छन्। तर के यो गीत पनि पहिले जस्तै लोकप्रिय होला त ?

शंका लाग्छ। किनभने यो नयाँ गीत गंगनम स्टाइल जस्तो फास्ट बिटको छैन। त्यो गीत सुन्दै नाचुँ नाचुँ लाग्ने खालको छ। ‘हे सेक्सी लेडी…’ मात्रै हामीले बुझ्ने अंग्रेजी थियो त्यसमा। जेन्टलम्यान भने अलि स्लो छ त्यसको तुलनामा। यसमा अलि धेरै अंग्रेजी प्रयोग गरिएको छ। ‘मदर फादर जेन्टलम्यान’ यसमा बारम्बार दोहोरिन्छ।

‘आइ एम अ’ चाहिँ नेपालीमा ‘आमा..’ झैँ सुनिने रहेछ। सुन्नेहरुले त ‘मदर फादर’ लाई अर्कै अश्लील शब्द सुनियो भनी टिप्पणी पनि गरेका छन्।

गीतको म्युजिक भिडियो बनाइसकिएको छैन। म्युजिक भिडियो बनिसकेपछि यसले केही नयाँ स्टाइल सेट गर्ने हो कि गंगनम स्टाइलको उचाइलाई यसले कहिले छुनै नसक्ने हो, हेर्न बाँकी छ।

अहिलेलाई भने गीत सुन्ने कि-

यो गीतमा उनले गर्न सक्ने डान्स मुभको झलक यहाँ छ-

शनिबार सोलको वर्ल्ड कप स्टेडियममा उनले कन्सर्ट गर्दैछन्। त्यसको लाइभ वेबकास्ट युट्युबले गर्दैछ।

तपाईँलाई के लाग्छ, जेन्टलम्यानले गंगनम स्टाइलकै उचाइ छोला ? आफ्नो कमेन्ट तल लेख्नुहोस्।

नोकियाको सबैभन्दा सस्तो सेट

E! MySansar — Wed, 10 Apr 2013 16:24:59 +0000

के तपाइँ प्रविधिको दास बन्न चाहनुहुन्न? तपाइँले देख्नुभएको होला आजभोलि मान्छे समूहमा बस्दा पनि खुसुखुसु मोबाइलमा नेट चलाएर फेसबुक वा टि्वटर चलाउँदै बसेको। बाटोमा हिँड्दा पनि मोबाइलमा नेट चलाउँदै हेर्दै गरेको। के तपाइँ यो सबबाट मुक्ति चाहनुहुन्छ? के तपाइँ मोबाइल भनेको फोन गर्न र फोन उठाउन मात्र ठीक हुने ठान्नुहुन्छ? त्यसोभए तपाइँका लागि नोकिया १०५ जति उपयोगी मोबाइल अरु केही नहुन सक्छ।

नोकिया १०५ नोकिया कम्पनीले बजारमा ल्याएको सबैभन्दा सस्तो मोबाइल फोन हो। अहिले भारतलाई आफ्नो पहिलो बजारका रुपमा लक्षित गरेका नोकिया १०५ को मूल्य त्यहाँ भारु १२५० छ। अर्थात् नेपाली दुई हजार रुपियाँ मात्रै। पहिलो पटक मोबाइल किन्नेहरुलाई नोकियाले आफ्नो लक्ष्य बनाएको छ।

सस्तो मोबाइल भए पनि यो रंगीन छ। अझ यसको ब्याट्री ब्याकअप अविश्वसनीय ढंगले बढी छ। एक पटक फूल चार्ज भयो भने यसले साढे १२ घण्टाको टक टाइम दिन्छ। स्टायन्डबाई राख्ने हो भने त ३५ दिन दिन्छ।

सस्तो मोबाइलका रुपमा नाम कमाएको नोकिया १२८० भन्दा यसको डिजाइन राम्रो छ। नोकिया १२८० पनि निकै लोकप्रिय भएको थियो। १० करोड वटा यस्ता सेट बिक्री भएका थिए। नेपालमा पनि यस्ता सेट धेरै बिकेका थिए। नोकिया १२८० भन्दा पनि नोकिया १०५ को डिजाइन राम्रो छ। यो रंगीन पनि छ। साथै यसमा एफएम रेडियो, बोल्ने घडी र टर्च लाइट पनि छ। गाउँघरका लागि यो उत्तम मोबाइल हुनसक्छ।

यो मोबाइल नेपालमा आउन भने समय भने लाग्न सक्छ। किनभने नोकियाले यसै सातामात्र यो मोबाइल भारतीय बजारमा बेच्न थालेको हो।

यो क्यामेरा हैन

E! MySansar — Sat, 06 Apr 2013 07:09:21 +0000

झट्ट हेर्दा तपाईँले यसलाई क्यामेरा ठान्नुभयो होला हैन ? हुन पनि हेर्दा त यो क्यामेरा जस्तै त छ नि। तर तपाईँलाई अचम्म लाग्ला, यो क्यामेरा हैन। त्यसो भए के हो त ? थाहा पाउन भित्रका अरु फोटो हेर्नुस् ल!

क्याननको फाइभ डी मार्क टु जस्तो देखिन्छ हेर्दा त। तर यसको आकार सानो छ।

हेर्दा क्यामेरा जस्तो देखिए पनि यसको लेन्स निकाल्दा यस्तो देखिन्छ।

…अर्थात् युएसबी पेन ड्राइभ हुन् !

हजुर, क्यामेरा जस्तो देखिए पनि यी पेन ड्राइभ हुन्। खेलौना पेन ड्राइभ हैन नि फेरि, साँच्चिकै चल्ने।

पाराडक्स मिडिया कम्पनीले यस्ता क्यामेरा जस्तो देखिने पेन ड्राइभ बनाएको हो।

अमिशाको आकर्षण

E! MySansar — Fri, 05 Apr 2013 17:02:29 +0000

बलिउड हिरोइन अमिशा पटेल आफ्नो नयाँ फिल्म देसी म्याजिकको लन्चमा आयोजित कार्यक्रममा सहभागी हुँदै। फिल्म मेहुल अठाले निर्देशन गरेका हुन्। विगतमा कयौँ हिट फिल्म दिइसकेकी अमिशा लामो समयपछि पर्दामा फर्किएकी हुन्।

बबाल विपाशा

E! MySansar — Fri, 29 Mar 2013 06:14:15 +0000

बलिउड हिरोइन विपाशा बसु ल्याक्मे फेसन विकमा यस्तो पहिरनमा प्रस्तुत भइन्।

इशानी बनिन् मिस नेपाल

E! MySansar — Fri, 22 Mar 2013 06:48:56 +0000

नयाँ मिस नेपाल इशानी श्रेष्ठलाई ताज लगाइदिँदै पुराना मिस नेपाल सृष्टि श्रेष्ठ।

इशानीसित रोजिशा र श्रीतिमा।

सृष्टि र इशानी।

उपाधि विजेता।

भर्‍याङमा मल्लिकाको पोज

E! MySansar — Fri, 22 Mar 2013 04:01:49 +0000

‘आत्मा’ रिलिजको तयारीमा रहेका बलिउड अभिनेत्री मल्लिका शेरावतले भर्‍याङमा पोज दिँदै गरेको यो फोटो आफैले ट्विटरबाट सार्वजनिक गरेकी हुन्। रिमा लाम्बा वास्तविक नाम रहेकी मल्लिकाले केही हलिउड फिल्ममा पनि अभिनय गरेकी छिन्।

को बन्लिन् यसपालिको मिस नेपाल

E! MySansar — Wed, 20 Mar 2013 03:59:08 +0000

पहिले मिस नेपालको आयोजना नयाँ बानेश्वरको अन्तर्राष्ट्रिय सम्मेलन केन्द्रको हलमा हुने गर्थ्यो। पछि त्यहाँ संविधान सभा बस्यो। त्यसपछि आर्मी अफिसर्स क्लबको हलमा हुन थाल्यो। पोहोर त एउटा होटलको खुला आकाशमुनि गरियो। यस पटक भने नेपाल प्रज्ञा प्रतिष्ठानमा हुँदैछ। चैत ७ गते बुधबार हुने प्रतियोगितामा मिस नेपाल बन्न १८ सुन्दरी भिडेका छन्।

यी मध्ये एकले जित्दैछिन् प्रतियोगिता-

ऐश्वर्या उपाध्याय

रेणु पोखरेल

सुमी लामा

अस्मिता सिटौला

रोजिशा शाही

रक्षा थापा

असिमा बानु

प्रतिमा गिरी

श्रीतिमा शाह

मेघना श्रेष्ठ

सुजाता बलामी

इशानी श्रेष्ठ

माया सावद

बिन्दु केसी (क्षेत्री)

सिपोरा गुरुङ

रचना भारती

समिक्षा श्रेष्ठ

रिजु श्रेष्ठ